大时代《贏得太慘》

《大時代》係我主動去睇嘅第一齣香港電視劇。7月1號睇咗前20集，2號睇晒。《大時代》只適宜喺心情一般嘅時候睇，有啲勵志嘅效果。心情太好，會被悲慘嘅過程與結局破壞；心情太差，又恐怕承受唔住不斷嘅悲劇。我傾向相信慳妹到最後係心臟病發死喺山上。如果係噉，噉全劇裡，較多戲份嘅、我較同情嘅角色，就死剩三個：方展博、龍紀文、陳滔滔。所有姻緣都落空。就算最後惡人得到報應，都係贏得太慘。方家嘅人死得冤枉。玲姐好唔容易捱到“上岸”，美好憧憬卻又突然被摧毀。粗略數一下被人害到雞毛鴨血嘅角色：方進新、羅惠玲、方敏、方芳、方婷，仲有連帶受影響嘅：光Sir、賤婆婆、陳滔滔。踏入陷阱墮入火坑嘅原因都好冤枉，都與丁氏父子有關，多說無謂。我父母講得啱，我其實好“眼淺”。好多場景，即使以前或者略有聽聞劇情，然而親眼睇到，亦不禁含淚。第29集實慘絕人寰。第36集玲姐死去，當係最悲傷嘅一幕。只能夠話，好人難做。唯有莫去結識蠻不講理、死纏爛打嘅黐線。做人一定要上進，腳踏實地，為理想而不懈。講啲同故事無關嘅睇法。成齣戲比較緊湊，唔算太拖沓，除咗二十幾集（至第25集止）有啲無聊，另外某些部分過渡得比較牽強，不過瑕不掩瑜。演員嘅表演都好“到肉”，又非常自然，好似真實生活，以至於我常驚訝於某些細節而即時回看欣賞。一眾女演員又“靚爆鏡”。劇情嘅表現方式亦唔少。尤其是到後部，更似聽演唱會，如第31集。每一首歌都好好聽，又好應景，令人難忘。呢齣戲絕對超出其它劇集。演員嘅表現均十分“入肉”，人戲幾乎不分。而劇中所含元素豐富。兩者嘅優異成就咗一齣值得不斷再看嘅電視劇。我個人十分喜歡貼近生活嘅影視作品。雖然多數港產片都能多少做到，但並唔係每一齣都可以打動人心。或者因為香港本身就係一個十分現實嘅城市。劇中人有咗錢，唔係好誇張噉揮霍，而是繼續食“一品煲”、踩單車、上山頂睇風景。可惜間屋“坐正三煞”。第一煞應喺方家嘅矛盾。第二煞應喺方敏之死。第三煞應喺方芳與方婷之死。Maybe it's for the better. 人生總有高低悲喜，未來再譜新章。也許方展博與龍紀文可以再在一起。但必然係多年以後，礙於阮梅與龍成邦分別的離世。我幻想呢，他們應該有幾個小朋友，分別改名叫做方梅、方新玲、方婷敏。