开端《“维护你我却敢于舍身”》

呢部剧真系好正咯（一口气追咗好多集，等更新嗰阵狂loop b站D二创）睇到话烂尾我真系戥部剧唔抵。其实结局嘅bug真系瑕不掩瑜，d人系到要结局解释个循环系咩回事，其实无论系梦境定系男主设计嘅游戏都会俾人闹冇意思，落入俗套。be嘅话新年流流编剧真系惊别人寄高压锅噶，happy ending味几好，大家齐齐整整咁ending，唔通唔系男女主最想要嘅结局咩，be就冇谓啦。真系你咁叻嘅话你写个perfect ending啊笨。 有人仲嫌弃男女主有感情戏，我净系想讲痴线！男女主情感非常自然，水到渠成嘅感情，靓仔靓女经历几廿次生死，既要防住警方又要喺警方嗰边套d料，仲要喺紧张嘅时间同锅姨斗智斗勇，喺一次又一次嘅循环入面成长，磨合，认清自己嘅爱意，成为对方不可失去嘅人重要嘅人，同时慢慢接近真相救咗成车人。

甚至有人话可以删咗女主，佢地一个都不能少❗️咁多次循环，经历爆炸，喺小黑屋审讯解释警方唔可能相信嘅循环，真心能够明白男主有私心唔想再去嘅霖法。包括讲出“趋利避害是人的天性”嘅呢度争吵都好真实，所以后面被勇敢嘅诗情打动，下定决心同诗情继续循环拯救公车上的人，越来越勇敢，睇到后面我都想唱出“维护你我却敢于舍身”呢句歌词。肖鹤云佢虽然唔系好打得，开头唔够勇敢，有d急躁，但佢都算聪明，记性又好，系诗情循环嘅时候唯一可以商量可以互相帮助嘅人。诗情善良勇敢系被选择入循环救人查出真相嘅人，两个一次又一次循环中越来越识得执生，好难唔产生感情喔。

呢部剧d细节都好掂，车上嘅人都系立体嘅，佢的背后嘅故事令人感动，佢地都系活生生嘅人而唔系工具人。真相的揭露都反映好多令人深思嘅问题。而且呢部剧仲有笑点缓解紧张情绪。演员演技在线，抵呢部剧咁红，我好中意！！！我俾1万个like！